ಇಂದಿನ ಯುವಕರಿಗೆ ಹಲವಾರು ಅವಕಾಶಗಳುಂಟು. ಅತಿ ಬೇಗನೆ ಇಡೀ ವಿಶ್ವವನ್ನೇ ತಕ್ಕ ಕಣ್ಣಳತೆಯಲ್ಲಿ ಕಾಣುವ, ಅರಿಯುವ ಭಾಗ್ಯವಿದೆ. ಈ ಡಿಜಿಟಲ್ ಜಮಾನದಲ್ಲಿ ತಾವುಗಳು ಗಮನಿಸುವ ತಮ್ಮ ಗ್ರಹಿಕೆಗೆ ಸಿಗುವ ಪ್ರತಿಯೊಂದು ವಿಷಯ ವಿಚಾರಗಳನ್ನು ಅತಿ ಬೇಗ ವಿಮರ್ಶಿಸಿ ಯಾವುದು ಸರಿ ಯಾವುದು ಸುಳ್ಳು ಎಂದು ಗೊತ್ತು ಮಾಡಿಕೊಳ್ಳುವಿಕೆಯು ಉಂಟು. ಯಾರೊಬ್ಬರೂ ಈ ಯುವ ಪೀಳಿಗೆಯನ್ನು ಮರಳು ಮಾಡುವ ಶಕ್ತಿಯನ್ನು ಸಂಪಾದಿಸಿಲ್ಲ.
ಈ ಸೋಶಿಯಲ್ ಮೀಡಿಯಾ ಜಗತ್ತಿನಲ್ಲಿ ಪ್ರತಿಯೊಬ್ಬರೂ ಪ್ರತಿಯೊಬ್ಬರ ಬಗ್ಗೆ ಅತಿ ಹೆಚ್ಚು ತಿಳಿದುಕೊಂಡಿರುತ್ತಾರೆ ಎನಿಸುತ್ತದೆ. ಹಾಗೆಯೇ ಪ್ರತಿಯೊಬ್ಬರೂ ಗಾಜಿನ ಮನೆಯಲ್ಲಿ ಕುಳಿತಿರುವಾಗಿರುತ್ತಾರೆ ಎಂದರೆ ತಪ್ಪಿಲ್ಲ.
ಇಂದು ಈ ವೇಗದ ಯುಗದಲ್ಲಿ ತಮಗೆ ಅಥವಾ ತಮ್ಮ ಸಮಾಜಕ್ಕೆ ಅನ್ಯಾಯವಾಗುತ್ತಿದೆ ಎಂದು ತಿಳಿದರೆ ಅಲ್ಲಿಯೇ ಡ್ರಾ ಅಲ್ಲಿಯೇ ಬಹುಮಾನ ಎಂಬಂತೆ ಪ್ರತಿಯೊಂದು ವಿಷಯ ಘಟನೆಗಳನ್ನು, ಅನ್ಯಾಯಗಳನ್ನು ಖಂಡಿಸುವರು ಅಥವಾ ತಮ್ಮ ದಿಕ್ಕಾರದ ಕೂಗನ್ನು ಕೂಗುವವರು. ಅದಂತೂ ಈ ಯುವ ಜನಾಂಗದಲ್ಲಿ ತುಂಬಾ ಚೆನ್ನಾಗಿ ಮೇಳೈಸಿದೆ.
ಇದಕ್ಕೆ ತಾಜಾ ಉದಾಹರಣೆ ಎಂದರೆ ಇತ್ತೀಚೆಗೆ ನಡೆದ ನೀಟ್ ಪರೀಕ್ಷೆ ಅಕ್ರಮದ ವಿರುದ್ಧ ನಡೆದ ಹೋರಾಟ. ಕೇಂದ್ರ ಸರ್ಕಾರವೇ ಯುವಕರ ಚಳುವಳಿಗೆ ಮತ್ತು ಅವರ ಕೂಗಿಗೆ ಶರಣಾಗಿ ಮಂಡಿಯೂರಿದ್ದು. ಯಾವ ರಾಜಕೀಯ ಪಕ್ಷಗಳ ಕೂಗಿಗಿಂತ ವಿದ್ಯಾರ್ಥಿ ಯುವ ಸಮೂಹದ ದ್ವನಿಗೆ ಅಧಿಕಾರ ವರ್ಗ ಸೋತಿದ್ದು ಮೈಲಿಗಲ್ಲಂತೂ ಸರಿ. ಹಾಗೆಯೇ ನಮ್ಮ ಭಾರತ ಯುವ ಮನಸುಗಳು ಸರಿಯಾದ ದಿಕ್ಕಲ್ಲಿ ಚಿಂತಿಸುತ್ತಿವೆ ಎಂಬುದಕ್ಕೆ ಹೊಸ ಸಾಕ್ಷಿಯಂತೂ ಸರಿ.
ಹಾಗೆಯೆ ಇದು ಕೇವಲ ಯಾಂಗ್ ಜನರೇಶನ್ ಜೆ ನ್ ಜಿ ಪವರ್ ಒಂದು ಸ್ಯಾಂಪಲ್ ಎಂದರು ಸರಿ.
ಈಗ ಯಾರು ಸಹ ಕೇವಲವಾಗಿ ಈ ಯುವ ಪೀಳಿಗೆಯನ್ನು ನೋಡದಂತಾಗಿದೆ. ಹಾಗೆಯೆ ಈ ಮುಂದಿನ ಪ್ರಜಾ ಪ್ರಭುತ್ವದ ವಾರಸುದಾರರ ಜವಾಬ್ದಾರಿಯನ್ನು ಇನ್ನು ಹೆಚ್ಚಿಸಿದೆ.
ಆದರೂ ಯುವ ಜನಾಂಗದ ಈ ಕೆಚ್ಚು, ಸೇಡನ್ನು , ಅವರ ಹೋರಾಟವನ್ನು ಸೊ ಕಾಲ್ಡ್ ಈ ಹಳೆ ಹೊಸ ರಾಜಕೀಯ ಪಕ್ಷಗಳು ತಮ್ಮ ದಾಳಗಳಾಗಿ ಉಪಯೋಗಿಸಿಕೊಂಡು ಅದರ ಲಾಭವನ್ನು ಕದಿಯಲು ಮುಂದಾಗುತ್ತಿದ್ದಾರೆ ಎನಿಸುತಿದೆ.
ಈ ನೀಟ್ ಹೋರಾಟದ ಸಮಯದಲ್ಲಿ ಯಾವಯಾವ ರಾಜಕೀಯ ಪಕ್ಷಗಳು ಯುವಕರ ಹೋರಾಟವನ್ನು ಹೈಜಾಕ್ ಮಾಡಿಕೊಂಡು ತಾವುಗಳು ಸ್ಕೊಪ್ ತೆಗೆದುಕೊಂಡು ತಾವುಗಳು ಶೈನ್ ಆಗಲು ಪ್ರಯತಿಸಿದ್ದನ್ನು ನಾವೆಲ್ಲಾ ನೋಡಿದ್ದೇವೆ.
ಹೀಗೆ ಹಿಂದಿನಿಂದಲೂ ಹಲವು ವಿದ್ಯಾರ್ಥಿ ಸಂಘಗಳ ಹೋರಾಟಗಳನ್ನು ತಮ್ಮ ರಾಜಕೀಯ ಲಾಭಕ್ಕಾಗಿ ಉಪಯೋಗಿಸಿಕೊಂಡವರನ್ನು ನೋಡಿದ್ದೇವೆ. ಅಥವಾ ಈ ರೀತಿಯ ಯುವ ಪಡೆಯ ಹೋರಾಟವನ್ನು ತಮ್ಮ ರಾಜಕೀಯ ಪಕ್ಷಗಳ ಗೆಲುವನ್ನಾಗಿ ಬಳಸಿಕೊಂಡು ಬೀಳೆ ಬೇಯಿಸಿಕೊಂಡವರು ಇದ್ದಾರೆ. ಅವರ ನ್ಯಾಯಯುತ ಪ್ರತಿಭಟನೆಯನ್ನು ತಮ್ಮ ಲಾಭಕ್ಕಾಗಿ ಅವರುಗಳಿಗೆ ತಾವುಗಳು ಏನೋ ಬೆಂಬಲ ಕೊಡುತ್ತಿದ್ದೇವೆ ಎಂಬಂತೆ ಅವರಿಗೆ ಗೊತ್ತಾಗದ ರೀತಿಯಲ್ಲಿ ತಮ್ಮ ನಾಯಕ ಮಣಿಗಳ ಲಾಂಚ್ ಪ್ಯಾಡ್ ಮಾಡಿಕೊಳ್ಳುವರಿಗೇನು ಕಮ್ಮಿ ಇಲ್ಲ.
ಯುವ ಸಮೂಹವನ್ನು ತಮ್ಮ ಅನುಕೂಲಕ್ಕೆ ತಕ್ಕಂತೆ ಬಳಸಿ ಬಿಸಾಕುವ ರಾಜಕೀಯ ಮನಸುಗಳೇ ದೇಶದ ತುಂಬೆಲ್ಲ ಇದ್ದಾವೆ.
ಆದ್ದರಿಂದ ಈ ಭರವಸೆ ಯುವ ಸಮೂಹ ಈ ನಕಲಿ ದೇಶ ಭಕ್ತ ರಾಜಕೀಯ ಮುತ್ಸದ್ದಿಗಳಿಂದ ತುಂಬಾ ಜಾಗರೂಕರಾಗಿರಬೇಕು. ಅಧಿಕಾರದ ದಾಹ ಯುವ ಗುಂಪನ್ನೇ ಅತಿ ಭ್ರಷ್ಟರನ್ನಾಗಿ ಮಾಡಿ ಯಾರು ಅವರನ್ನು ನಂಬದಂತೆ ಮಾಡುವಲ್ಲಿ ಹಳೆ ತಲೆಗಳು ತುಂಬಾ ಸೃಜನಶೀಲರೆಂದರೆ ತಪ್ಪಿಲ್ಲ.
ಈ ಬರವಸೆದಾಯಕ ಯುವ ಮೊಗ್ಗುಗಳು ಹೊಸತನದಿಂದ ದೇಶದ ಸಮಸ್ಯೆಗಳಿಗೆ , ಅನ್ಯಾಯಗಳಿಗೆ ವಿಸ್ತಾರವಾದ ಹೊಸ ಉತ್ತರಗಳನ್ನು ಪರಿಹಾರಗಳ್ಳನ್ನು ಕಂಡುಕೊಳ್ಳುವಲ್ಲಿ ಯಾವತ್ತೂ ಹಿಂದೆಯಂತೂ ಬಿದ್ದಿಲ್ಲ. ದೇಶದ ಕಾಳಜಿ ಇಂದು ಈ ಪೀಳಿಗೆಯಲ್ಲಿ ಹೆಚ್ಚು ಇದೆಎಂದರೆ ಸುಳ್ಳಲ್ಲ. ಸಂಯಮದಿಂದ ದೇಶದ ಆಳುವವರ ದೃಷ್ಟಿ ಕೋಣವನ್ನು ಯಾವಾಗಲು ತಮ್ಮ ಕಣ್ಣಳತೆಯಲ್ಲಿ ಗಮನಿಸುತ್ತಿರುತ್ತಾರೆ ಮತ್ತು ತಪ್ಪಾದರೆ ತಕ್ಷಣ ರಾಜಕೀಯೇತರವಾಗಿ ಟೀಕಿಸಿ ಯಾರದೇ ತಲೆ ದಂಡವನ್ನು ಪಡೆದೆ ಪಡೆಯುತ್ತಾರೆ ಎಂಬುದಕ್ಕೆ ಮನ್ನೆಯ ಹೋರಾಟ ಒಂದು ಪಾಠವಾಗಬೇಕು. ಆಗದ್ರೂ ಈ ಸರ್ಕಾರಗಳು ಮುಂದೆ ಬರುವ ಸರ್ಕಾರಗಳು ಜನತೆಯ ಪರವಾಗಿರುವ ಯೋಜನೆಗಳನ್ನು ತಂದು ಯಾವುದೇ ಭ್ರಷ್ಟಾಚಾರ ಇಲ್ಲದ ರೀತಿಯಲ್ಲಿ ಮಂಜೂರು ಮಾಡುವವರು. ಯಾಕೆಂದರೆ ಯುವಕರ ಬಗ್ಗೆ ಕಿಂಚಿತ್ತಾದರೂ ಭಯವಿರಲಿ ತಮ್ಮ ಒಳ್ಳೆಯತನಕ್ಕೆ.
ಭಾರತದ ಯುವಜನತೆ ಎಂದೆಂದಿಗೂ ಪ್ರಜಾಪ್ರಭುತ್ವದ ಭರವಸೆ ಎಂದರೆ ಅತಿಶಯೋಕ್ತಿಯಲ್ಲ. ಯಾರಿಗೆ ಗೊತ್ತು ಈ ಯುವಪೀಳಿಗೆಯಲ್ಲಿಯೇ ಮತ್ತೊಬ್ಬ ಮಹಾನ್ ನಾಯಕ ದೇಶದ ಮುಖ್ಯಸ್ಥ ಮುಂದಾಳುವಿನ ಜನನವಾಗಬಹುದು. ಇಂತವರಿನಿಂದನೆ ದೇಶಕ್ಕೆ ಹೊಸ ಭವಿಷ್ಯವು ಸಿಗಬಹುವಿದು ಮತ್ತು ಸಿಗಲಿ ಎಂದು ಹಾರೈಸೋಣ !
