ನಿನ್ನ ನೋಡಿದಾಗಲೆಲ್ಲಾ ಅಂದು ಕೊಳ್ಳುತ್ತೇನೆ ನನ್ನ ಮನಸ್ಸಿನ ನೂರಾರು - ಸಾವಿರಾರು ಸೆಳೆತದ, ಮೊರೆತದ ಈ ಮನದ ಅಣೆಕಟ್ಟುನ್ನು ಹೊಡೆದು ನಿನ್ನ ಮುಂದೆ ಹರಿಯಬಿಡಬೇಕು. ಆ ವೀಪರಿತ ಹುಚ್ಚಿನ ನನ್ನ ಆಸೆ, ಆಕಾಂಕ್ಷೆಗಳ ನೊರೆ ನೀರಿನಲ್ಲಿ ನೀನು ಕೊಚ್ಚಿ ಹೋಗಿ ಪುನಃ ನನ್ನ ಅಸರೆಯೆನ್ನುವ ಅತಿಯಾದ ಪ್ರೀತಿಯ ದಡವನ್ನು ಸೇರಬೇಕು ಎಂದು.
ಆದರೆ ಯಾಕೋ ಏನೋ, ನಿನ್ನ ಕಂಡು ಕಳೆದ ಕೆಲ ನಿಮಿಷಗಳಲ್ಲಿ ನನ್ನ ಸಾವಿರ ಸಾವಿರ ಯೋಚನೆಗಳು ನಿನ್ನ ಆ ಮುಗುಳು ನಗೆಯಲ್ಲಿ ಮೌನವಾಗಿ ಕರಗಿ ಹೋಗುತ್ತದೆ.
ನಾ! ಎಷ್ಟು ಬಾರಿ ಯೋಚಿಸಿದರೂ ತಿಳಿಯದಾಗಿದೆ! ನಾ ಓದಿದ, ನೋಡಿದ ಸಿನಿಮಾ, ನಾ ಕೇಳಿದ ವಿವಿಧ ಮಹನ್ ಪ್ರೇಮಿಗಳ ಕಥೆಗಳಲ್ಲಿ ಈ ಮಹನ್ ಕಾಲ ಘಟ್ಟ ಎಂದು ಯಾವುದನ್ನು ಕರೆಯುತ್ತಾರೋ ಅದು ಅಷ್ಟು ಸುಲಭವಾಗಿ ಹೇಗೆ ನಿವೇದಿಸುತ್ತಾರೆ. ನನಗೆ ಯಾಕೆ ಅದು ಆಗುತ್ತಿಲ್ಲ.
ನಿನ್ನ ಕಂಡ ದಿನದಿಂದ ನಾನು ಅಂದುಕೊಂಡಿದ್ದ ನನ್ನ ಮೆಚ್ಚಿನ ಸಂಗಾತಿ ಹೀಗೆಯೇ ಇರಬೇಕು ಎಂಬ ನನ್ನ ಮಹನ್ ಮಹತ್ವದ ಕಲ್ಪನೆಯ ಕನಕಾಂಗಿ ನಿನಾಗಿ ಸಿಕ್ಕಿದ ಮೇಲೂ ನನಗೆ ನನ್ನ ಭಾವನೆಯನ್ನು ತಿಳಿಸಲೂ ಇನ್ನೂ ಸಾಧ್ಯವಾಗದಿರುವುದಕ್ಕೆ ಕಾರಣ ನಿನೇ ಅಂದು ಕೊಳ್ಳುತ್ತೇನೆ.
ಲವ್ ಅಟ್ ಪಸ್ಟ್ ಸೈಟ್ ಎಂಬಂತೆ ಮೂದಲ ದಿನದ ಪ್ರಥಮ ನಿಮಿಷದಲ್ಲಿಯೇ ಇವಳೇ ಇರಬೇಕು ನನಗಾಗಿ ಕಾದ "ಒಲವಿನ ಹುಡುಗಿ" ಎಂದು ಅನಿಸಿತು.
ನೀ ನನ್ನ ಕಂಡು ನಕ್ಕಾಗ ಅದೇ ನಿನ್ನ ನನ್ನ ಕಣ್ಣು ಹಲವು ಬಾರಿ ಸಂಧಿಸಿ, ನಿಲ್ಲಲಾರದೆ ಸೋತು ಬೇರೆ ಕಡೆ ತಿರುಗಿದಾಗ, ಪುನಃ ಅದೇ ಆಸೆಯಿಂದ ನಿನ್ನ ಕಡೆಗೆ ಕಿರುಗಣ್ಣಿನಿಂದ ನೋಡಲು ಪ್ರಯತ್ನಿಸಿದಾಗ ನೀನು ಸಹ ಹಾಗೆಯೇ ನನ್ನ ಕಡೆ ಹರ ಸಾಹಸ ಮಾಡುತ್ತಾ ನೋಡುತ್ತಿರಲು ಆ ನಿನ್ನ ನಿಸ್ಸಾಹಯಕತೆಯ ಆಕರ್ಷಣೆ ನನ್ನನ್ನು ಅಧೀರನನ್ನಾಗಿ ಮಾಡುತ್ತಲೇ ಇದೆ ಅಂದಿನಿಂದ.
ಇಂದಿಗೂ ಆ ನಿನ್ನ ನಿಷ್ಕಲ್ಮಶವಾದ ಆಪೀಯರೆನ್ಸ್ ನನ್ನನ್ನು ಮೊಖನನ್ನಾಗಿ ಮಾಡುತ್ತದೆ.
ನನ್ನ ಗೆಳೆಯರು ಹೇಳುತ್ತಾರೆ, ಹೇ ನಿಮ್ಮ ಇಬ್ಬರ ಮದ್ಯೆ ಏನೂ ಇದೇ ಮುಂದುವರಿ ಗುರು ಎಂದು, ಹೇಗೆ ಎಂದು ನನಗೂ ತಿಳಿಯದಾಗಿದೆ.
ಇಲ್ಲಿ ಯಾರು ಯಾವದು ಕೊನೆ ಯಾರು ಮೊದಲು ಎಂಬ ಲೆಕ್ಕಚಾರವೆ ತಪ್ಪಿ ಹೋಗಿದೆ. ಮನದ ಈ ಲವಲವಿಕೆಯ ವ್ಯಾಪಾರ ನಿವೇದನೆಯನ್ನು ಹೇಗೆ ನಿನಗೆ ತಿಳಿಯಪಡಿಸುವುದು.
ನನಗೂ ಗೊತ್ತು ನೀನು ಸಹ ಮೊದಲು ನಾನೇ ಹೇಳಲಿ ಎಂದು ಇಷ್ಟು ಸತಾಯಿಸುತ್ತಿದ್ದೀಯ. ಹೇಳೆ ಹೇಳುತ್ತೇನೆ ಎಂದು ನಾನು ಅಂದುಕೊಂಡಿದ್ದೇನೆ. ನೋಡೊಣ ಆ ಮೊಹರ್ತ ಯಾವಗ ಬರುವುದು ಕಾಲಯ ತಸ್ಮಯ ನಮಃ.
ಈ ರೀತಿಯ ಹೊಸ, ಹಳೆಯ ಹೆಣ್ಣು - ಗಂಡುಗಳ ಆಕರ್ಷಣೆಯ ಪ್ರೀತಿಯ ಸಮಯವನ್ನು ಸಾಕಾರ ಮಾಡಿಕೊಳ್ಳುವ ಘಳಿಗೆಯಂತು ನಮಗೆಲ್ಲಾ ಪ್ರತಿ ವರುಷ ಪೆಬ್ರವರಿ ೧೪ ರಂದು "ಪ್ರೇಮಿಗಳ ದಿನ" ವಾಗಿ ಆಚರಿಸಲ್ಪಡುತ್ತಿದೆ.
ಈ ಪ್ರಪಂಚದಲ್ಲಿ ಮನುಷ್ಯ ತಾನು ಭೂಮಿಯ ಮೇಲೆ ಪಾದಾರ್ಪಣೆ ಮಾಡಿದ ದಿನದಿಂದಲೂ ತನ್ನ ಬಾಲ್ಯವನ್ನು ಕಳೆದು ಯೌವನಾವಸ್ಥೆಗೆ ಪಾದಾರ್ಪಣೆ ಮಾಡಿದ ಅಂದರೆ "ಏನೋ ಒಂಥಾರ" ಎಂಬ ರೀತಿಯಲ್ಲಿ ತನಗೆ ತಾನು ತಿಳಿಯದ ರೀತಿಯಲ್ಲಿ ತನ್ನ ಮನೋವ್ಯಾಪಾರದಲ್ಲಿ ತನ್ನ ಸುತ್ತ ಮುತ್ತಲಿನ ಯಾವುದಾದರೂ ಹುಡುಗಿಯ/ಹುಡುಗನ ಆ ಪ್ರೀತಿಗಾಗಿ ಕಾತರಿಸುವುದು ನಿಸರ್ಗ ನಿಯಮವೇ ಸರಿ.
ಪ್ರತಿಯೊಬ್ಬರಿಗೂ ವಿವಿಧ ರೀತಿಯಲ್ಲಿ ತನ್ನ ಜೀವನದ ದಿನಮಾನದಲ್ಲಿ ಆ ರೀತಿಯ ಸೆಳೆತದ ಅನುಭವ ಆಗಿರುತ್ತದೆ.
ಈ ನಮ್ಮ ಯುಗದಲ್ಲಿಯು ಸಹ ಈ ಒಂದು ವಿಷಯದಲ್ಲಿ ಅದಂತಹ ಬೆಳೆವಣಿಗೆ ಕ್ರಾಂತಿ ನಮ್ಮ ಎಲ್ಲಾ ರಂಗದಲ್ಲೂ "ಪ್ರೀತಿ"ಯೇ ಮೇಲುಗೈಯಾಗಿದೆ.
ನನಗೆ ಅನಿಸುತ್ತದೆ, ಪ್ರತಿಯೊಬ್ಬರೂ ತಾನು ಇನ್ನೂ ಹೆಚ್ಚು ರೀತಿಯಲ್ಲಿ ಪ್ರೀತಿಸುವುದನ್ನು ಕಲಿಯಬೇಕು ಎಂಬುದನ್ನು ತಾನು ಜೀವನ ಪೂರ್ತಿ ಕಲಿಯುವುದರಲ್ಲಿಯೇ ಕಲಿಯುವ ಅವಕಾಶಕ್ಕಾಗಿ ತವಕಿಸುತ್ತಿರುತ್ತಾನೆ.
ಈ ರೀತಿಯ ಮಹಾನ್ ಮಾನವ ಸಂಬಂಧವೇ ಈ ಜಗತ್ತು ಹೀಗೆ ಮುನ್ನುಗ್ಗುತ್ತಿರುವುದಕ್ಕೆ ಪ್ರೇರಕ ಶಕ್ತಿಯಾಗಿದೆ. ಹಾಗೆಯೇ ವಿವಿಧ ರೀತಿಯ ಅನಾಹುತಗಳಿಗೆ ಮಾರಕವಾಗಿದೆ. ಇದು ಪುರಾಣ ಕಾಲದಿಂದಲೂ ಜಾರಿಯಲ್ಲಿರುವ ನಡಾವಳಿಯಾಗಿದೆ. ಆದರೇ "ನಿಷ್ಕಲ್ಮಶ ಪ್ರೀತಿ" ಎಷ್ಟರಮಟ್ಟಿಗೆ ಜಾರಿಯಲ್ಲಿದೆ ಎಂಬುದೇ ಮಿಲಿಯನ್ ಡಾಲರ್ ಪ್ರಶ್ನೇ?!
-ತ್ರಿಪುಟಪ್ರಿಯ
